आपरा सवाल रा जवाब
प्र.1 अणी वेब साइट रो उद्देश्य कई है?
उ.1 अणी वेब साइट से उद्देश्य दुनिया भर में रेवा वाला राजस्थानी परिवारा ने राजस्थान रे बारा मे नियमित सूचना देणो है और राजस्थान सु जोड्नो है।
प्र. 2 या वेब साइट राजस्थानी भाषा में हिज क्यु वणाई, अने हिन्दी व अग्रेजी मे क्यु नी वणाई ?
उ.2 राजस्थानी भाषा शूरवीरा री भाषा है कणी भी जगहा रा रेवा वाला लोगा ने वणारी भाषा मे मुल वात ने सबऊ अच्छी तरह वताई जाई सके।
प्र. 3 अणी वेब साइट ने वणावा में कसा फोंट से उपयोग कीदो है ?
उ.3 अणी वेब साइट ने बणावा रे वास्ते सी-डेक रा जिस्ट वर्ग रा ध्रुव फोट से उपयोग कीदो है।
प्र.4 राजस्थानी भाषा रे वास्ते कणी लिपि से उपयोग कीदो है ?
उ.4 राजस्थानी भाषा रे वास्ते देवनागरी लिपि से उपयोग कीदो है।
प्र.5 राजस्थानी भाषा री कोई लिपि नी ह तो अणी भाषा ने स्वतंत्र किस्तर बोल सका ?
उ.5 उतरी भारत री कतरी ही लिपियाँ जिस्तर की हिन्दी, बंगाली, गुजराती, मराठी, उडिया, भोजपुरी से मूल उद्गम संस्कृत, प्राकृत, पाली, अर्धमागीर, और डिंगल लिपियाँ है। राजस्थानी भाषा रे साथ भी येइज वात लागू होवे।
प्र.6 राजस्थानी भाषा रे अलावा कोई भाषा असी है जणी री लिपि भी देवनागरी है ?
उ.6 मराठी, भोजपुरी भाषा री लिपि देवनागरी है और ये आपाणे आप मे समृद्ध भाषा है।
प्र. 7 अणी वेब साइट ने मूल राजस्थानी मे देखवा रे वास्ते देवनागरी फॉंट डाउनलोड़ करणो जरूरी है ?
उ.7 नी बना डाउनलोड कीदा भी आप साइट ने ब्राउस कर सको।
प्र.8 फोंट डाउनलोड़ करने कई नयी चीज कर सका ?
उ.8 अगर आप री राय आप देवनागरी में टाइप करणो छाओ तो फॉट जरुरी है।
प्र. 9 अग्रेजी कीबोर्ड ऊ देवनागरी मे किस्तर टाइप कर सका?
उ.9 अणी रे वास्ते देवनागरी अग्रेजी लिपि री सरल तालिका नीचे दीदी है वाणी से उपयोग करो प रे वास्ते P, क रे वास्ते K, त रे वास्ते T वगैरह
प्र.10 राजस्थान रे बाने रेवा वाला लोगा रे बारा मे जानकारी किस्तर मिल सके ?
उ.10- भारत रा विभिन्न राज्या व अन्य देशा मे रेवा वाला लोग़ा रे वास्ते पेला रे दाँयी तरफ ऊपर रा खाना में राज्या तथा देशा री तालिका देई राकी है वणी मे सब जानकारी मिल सके।
प्र. 11 अलग-अलग जिला री जानकारी वणी जिला री प्रचलित भाषा मे ही क्यु है ?
उ.11 ताकि आप जाण सको की राजस्थानी भाषा कतरी समृद्ध व विकसित है।
प्र.12 राजस्थानी भाषा ने भारतीय संविधान ऊ मान्यता क्यु नी मिल री है ?
उ.12- बहुत जल्दी मान्यता मिलवा वाली है। थोड़ो आप भी प्रयास करोगा तो यो काम जल्दी देई जाएगा।
प्र.13- कतरी लिंक खोला तो कांई जानकारी या सूचना मिल जावेला ?
उ. 13 या नुई साइट ह म्हे धीरे धीरे इणने बढ़ा रया हां।
कोई टिप्पणी नहीं:
एक टिप्पणी भेजें