नोट बन्दी पर राजस्थानी व्यंग्य

रामराम सा !!!!

बात भोत पूराणी है ! ऐकर आडसर मे ऐक राजा हो ! राजा के हो ईयाँ समझ ल्यो बजराक ही हो ! रोजगा नया नया कानून ! कदी मंजन करने पर मूळा फ्री ! तो कदी मंजन करने पर बतीसी बाहर !
कुल मिलाकर जनता नाक नाक आयेङी ही !!!

ऐकर फोंगा स्यू ऐक रिस्तेदार आडसर गयो ! बो रिस्तेदार गोधानाथ जी को भोत ठाढो भक्त हो !
बण आडसर की जनता नै समझायी ! कहयो कै भाई लोगो ओ राजा थानै ले बैठसी !
लेकिन जनता राजा स्यू डरती बोली कै ... राजाजी भोत तकङा आदमी है ! राजाजी का डिसीजन और भी तकङा है ! आणहाळी पीढी नै राजाजी का डिसीजन भोत फायेदो देसी !

अब बो रिस्तेदार राजदरबार मै गयो और बोल्यो !......राजाजी मै ऐक ईस्यो कपङो बणा जाणू जकै की ड्रेस खाली समझदार लोगां नै ही दिखै !!! मुखॆ आदमियाँ नै बो कपङो दिखै ही कोनी !!!!!
राजाजी कहयो कै बो कपङो मेरै खातीर तैयार करो !

अब भायेङो ऐक बंद कमरै मे बो रिस्तेदार बैठ ग्यो ! बैठ्यो चोखा जीमण जीमै और मजा करै !

पाँच सात दिना बाद मंत्री जी कमरै मे गया और बोल्या कै कपङो किता मीटर तैयार हूग्यो ? दिखाओ !!
बो रिस्तेदार बोल्यो कै...... ओ पङ्यो !!! देखो !!

मंत्रीजी च्यारा कानी कागडोढ देखै जियाँ देख्यो पण पूर कोनी दिख्यो !
जणा मंत्रीजी सोच्यो आपां मुखॆ हाँ जणा कोनी दिखै !
जणा मंत्रीजी बोल्या.... वहा !!! के कपङो है ! राजाजी तो ऐकदम अमेरीका का राजा सा लागसी ई कपङै मे !

कई दिना बाद दुसरो दरबारी गयो ! बी सागै ही आही बात हूई !
लेकिन अपने आप नै समझदार साबित करणै कै चक्कर मे सगळा कपङै की तारीफ करियावै !

जबकि हकीकत तो आ ही कै कपङो असल मे हो ही कोनी !!!!!

ऐक दिन राजाजी नै बण रिस्तेदार कहयो कै......राजाजी थारी ड्रेस तैयार है ! आज्याओ ! धारण करो !!

राजाजी गया ! अब दिखै राजाजी नै ही कोनी लेकिन नै दिखै जणा मुखॆ हुवै ! ई वास्तै राजाजी कहयो कै तू ही पहरा दे यार !!

बण रिस्तेदार राजा नै नागो तङींग करके झूठै ही बो नै दिखण हाळो कपङो पहना दियो !

राजाजी बारै आया ! सफा सपङतंग !!

दुनिया देखै लेकिन बोलै कोनी !

बोलै कियाँ ?? कपङो स्याणा आदमिया नै दिखै और गूंगी झालर हुवै बीनै दिखै कोनी ! ई खातीर सगळा स्याणा बणग्या !

ऐक तीन साल को छोरो भीङ मे स्यू बोल्यो ......   राजा नागो !!!!

तो भायेङो कहणै को मतलब ओ है कै ई नोटबंदी पर पहली सगळा कह दियो कै जोरगो काम हूयो है ! लेकिन अब कोई कै तकलीफ है तो भी बो ईगी कमी कोनी गीणावै ! क्यों कै कमी गीणाया कोई आ नै कह देवै कै तनै अथॆशास्त्र कोनी आवै !!

Akshar- Hindi Poems: Pascham Railway

Akshar- Hindi Poems: Pascham Railway

ढोला-मारू री गाथा

राजस्‍थान री चावी लोककथा ढोलामारू

          सपनौ तौ आयौ अर परौ गियौ, पण मारवण री आंख्यां में पाछी नींद नीं आई। आंख्यां खोलै तौ बारै अंधारौ-अंधारौ लागै अर मींचै तौ अंतस में घोर अंधारौ। उठै, बैठै अर पाछी सोवै, पण जीवनै जक नीं। गांव रै बारै ताल में कुरजां कुरळायी।
          घर में सूती कुरजां रा बच्चा री-सी लांबी गाबड़ वाळी मारवण रौ हिवड़ौ ही वां कुरजां रै लारै कुरळायौ।
          सपना में दीख्योड़ौ ढोलौ अणसैंधौ व्हेतां ही मारूणी नै लाग्यौ जाणै भव-भव रौ सैंधौ वींरौ ढोलौ है।
          बाळपणा में व्हीयोड़ा ब्याव नै तौ वा सपना री नांई भूलगी ही, पण आज सपनौ आयनै परतख ढोला नै आंख्यां आगै ऊभौ कर दीधौ। वींनै चींतां आयौ वीरौं ही कोई है, पण वा वींनै नीं जाणै, वौ वींनै नीं जाणै। सपनौ कांई आयौ, वींरा तन नै, मन नै झंझेड़नै जगाय दीधौ। कालै सांझ तांई साथण्यां रै लारै दौड़-दौड़‘र दड़ी रमती टाबरी यां चार-पांच घड़ी मंे ही भावना रौ भार उठायां जोध जुवान लुगाई व्हैगी। हिड़दै री वीणा माथै सपना री आंगळयां फिरतां ही सनेह रा सुर बाजण लाग्या। जठीनै झांकै, वठीनै ढोलौ ही ढोलौ दीखै।
          ताल में कुरजां यूं ही कुरळाय री ही , मारवण नै लाग्यौ जाणै वांरी जोड़ी बिछड़गी जदी तौ म्हारी नांई कुरळाय री है। नीं तौ वांरी आंख्यां में नींद है, नी म्हारी आंख्यां में ही। यांरी अर म्हारी अेक-सी गत है, पण यांरै तौ पांखड़ा है, मन करतां ही उड़ जावै, म्हारै पांख कठै जो उड़नै मिल आवूं!
          मां देख्यौ मारवणी अणमणी रैवै। साथण्यां सागै ढूल्यां खेलणौ आछौ नीं लागै, काम करवा रौ जीव नीं करै। पैलं ज्यूं दौड़ मां रै गळा में बांहां घाल लटकै नीं। हंसणी आंख्यां री कोर में टावस री रेखा साफ-साफ दीखै। मां थोड़ा में ही घणौ समझगी। चिंता व्ही। बेटी मोटी व्हैगी, सासरा सूं कोई समाचार नीं। मौकौ देख राजा पिंगळ नै कह्यौ- “मारवण नै सासरै भेजणै री त्यारी करणी चावै।”
          “हां, अतरा वरस व्हेग्या। नरवर सूं कोई समाचार ले’र ही नीं आयौ!”
          “वठा सूं नीं आयौ तौ कांई, आपां ही भेजां! ढोला नै बुलावौ भेजौ। डोढ बरस री नै परणाई जद ढोलाजी तीन बरस रा हा, बाई मोटी व्ही, वै ही जुवान व्हीया। या ढील कांई काम री?”
          “सांची बात तौ या है, देवड़ी! म्हूं कतरा ही मिनखां नै कागद दे-दे ढोला नै बुलावा भेज्या, जो गियौ वौ पाछौ आयौ ही नीं, म्हारा समाचार ढोलाजी तांई पूगै ही नीं। ढोला रौ ब्याव माळवणी रै साथै व्हीयोड़ौ है, जो माणस पूगळ रा मारग सूं जावै जींनै माळवण मराय दै।” पिंगळ घणा उदास व्हे बोल्या।
          देवड़़ी सलाह दीधी-“अबकाळै कोई जाचक नै भेजौ, जो वीरै माथै कोई वैम नीं करै। मांगतौ-खावतौ नरवरगढ़ जाय ढोलाजी नै बातां सूं, गीतां सूं रिझाय अठै राजी कर ले आवै।”
           पिंगळ रै सलाह जंचगी। राग रा जाणकार, वातां रा बणावण्या ढाढी नै ढोला कनै जावा रौ हुकम दीधौ। मारवण दासी नै भेज, ढाढी नै ड्योढी पै बुलाय, ढोलाजी कनै कैवा नै सनेसौ समझाण लागी-
          “थूं जाय ढोलाजी नै  कीजै, थांरी मारवण बळ’र कोयला व्हैगी है, जाय’र वीं री भसमी तौ भेळी करौ। वीं रा पींजर में प्राण कोयनीं। थांरा साम्हा वीं री लौ बळ री है। वीं भला आदमी नै जायनै यूं कीजै, आतमा थारै कनै है, सरीर नै भलां ही दूरौ राख। ढाढी, थनै ढोलौ मिलै तो थूं जरूर कीजै मारूणी री आंख्यां थांरी बाट देखतां, सीपां री नांई खुल री है, थां स्वाती री बूंद ज्यूं आय वरसौ। यौवन चपां रै मोड़ आवा लाग गिया है, आय कलियां तौ चूंटौ। थांरी याद कर-कर मारूणी कणेर री कांबड़ी ज्यूं सूखगी है।
          पंथी! ढोलाजी नै यूं कैवणौ मत भूल जाजै के विरह री लाय लाग री है, आय ईं दावानळ नै बुझावौ। थांरी धण कंवळ ज्यूं कुम्हळायगी है, थां सूरज बण उगौ। यौवन क्षीर समंदर व्हेय रियौ है, थां आय रतन क्यूं नीं काढ़ रिया हौ?”
    मारवण री आंख्यां में आंसू भर रिया, सांस नीं माय रियौ, पग रा अंगूठा सूं लींगठी काढ़ती, रूंध्या गळा सूं ढाढी नै समझावा लागी-
           “ढोलाजी नै म्हारा नाम सूं हाथ जोड़ कीजै- आप म्हांनै भूलग्या, कोई सनेसौ तक नीं भेज्यौ! बतावौ, जीवूं तौ कीं रा आधार पै जीवूं? जो थां फागण में नीं आया तौ होळी री झाळ में कूद पडू़ंला।”
           मारू राग में दूहा बणाय ढाढी नै दीधा- “यै ढोलाजी रै मूंडागै गाय सुणाजै!”
                           ढाढी मुजरौ कर सीख लीधी-“जीवतौ रियौ तौ ढोलाजी नै ले’र आवूंला, मर गियौ तौ वीं देस में रैय जावूंला।”
***

छबीस दूहा पूंछ आळाओम जी पुरोहित"कागद"

[][]= पूंछ आळा दूहा=[][]

1

चरका मरका चाबतां
चंचल होगी चांच ।
फीका लागै फलकिया
अकरा सेकै आंच ।
करमां रो कीट लागै ।

2

नेता नाटक मांडिया
ले नेता री ओट ।
नेता नै नेता चुणै
जनता घालै बोट ।।
लोक सिधारो परलोक ।।

3

लोक घालै बोटड़ा
नेता भोगै राज ।
लोकराज रै आंगणै
देखो कैड़ा काज ।।
जोग संजोग री बात।।

4

हाकम रै हाकम नहीँ
चोर न जामै चोर ।
नेता तो नेता जणै
नीँ दाता रो जोर ।।
नेता जस अमीबा ।।

5

चोरी जारी स्मगलिँग
है नेता रै नाम ।
आं कामां नै टाळगै
दूजो केड़ो काम।।
आप बिकै नी बापड़ा ।।

6

जनता हाथां हार कर
हाट करावै बंद।
फेर ऐ खुल्ला सांडिया
खूब खिंडावै गंद ।।
जिताओ बाळो आगड़ा।।

7

चोळा बदळै रोज गा
चालां रो नीँ अंत ।
भाषण देवै जोर गा
वादां में नीँ तंत।।
कियां घड्या रामजी ।।

8
नेता मरियां कामणी
माता मरियां पूत।
बो इज होवै पाटवी
जो मोटो है ऊत ।
मारो साळां रै जूत ।।

9

बोट घलावै बापजी
दे कंठां मेँ हाथ
जीत बजावै ढोलड़ा
अणनाथ्या हे नाथ ।।
पोल मेँ बजावै ढोल ।।

10

बाजो बाजै जीत गो
नेता घर मेँ रोज ।
हारै जनता बापड़ी
भूखी टाबर फोज ।।
घालो ओज्यूं बोट।।

11

नेता खावै धापगै
जनता भूखी भेड़ ।
पांच साल मेँ कतरगै
पाछी चाढै गेड़ ।।
राम ई राखसी टेक ।।

12

नेता मुख है मोवणां
धोळा धारै भेस ।
जीत्यां जावै आंतरा
हार्‌यां करै कळेस ।।
दे बोट काटो कळेस ।।

13

पाटै बैठ्या धाड़वी
नितगा खोसै कान ।
नेता भाखै आपनै
चोखो पावै मान ।।
नमो कळजुगी औतार ।।

14

सेडो चालै नाक मेँ
मुंडै काढै गाळ ।
नेता मांगै बोटड़ा
कूकर गळसी दाळ ।।
रामजी ई रुखाळसी ।।

15

लोकराज रै गोरवैं
खूब पळै है सांड ।
चरणो बांरो धरम है,
बांध्यां राखो पांड ।।
करणी तो भरणी पड़ै।।

16

काळू ल्यायो टिगटड़ी
बणग्यो काळूराम ।
जनता टेक्या बोटड़ा
जैपर बण्यो मुकाम ।।
इयां ई तिरै ठीकरी ।।

17

धापी आई परण गै
नेता जी रै लार ।
नेता राखै चोकसी
बा टोरै सरकार ।।
...

राजस्थानी भाषा माँय पत्रिका "हथाई"

राजस्थानी पत्रिका "हथाई" री जोरदार हाजरी
==============================
राजस्थानी भासा में साहित्यिक पत्रिकावां री
कमी नित बताईजै । इण कमीं नै पूरण रो
काम माणक ,राजस्थानी गंगा ,अपरंच ,
बिणजारो, लीलटांस , अनुसिरजण ,
आलोचना , राजस्थली , कथेसर , नैणसी ,
औळख , कुरजां , आद राजस्थानी
पत्रिकावां बरसां सूं कर रैई है ।
इण लिस्ट में अब "हथाई" रो भी नांव जुड़ग्यो ।
==============================
"हथाई" हनुमानगढ जिलै रै नोहर कस्बै सूं छपै ।
वरिष्ठ कथाकार डा. भरत ऒळा रै सम्पादन में ।
"हथाई" साहित्य जगत में आपरी जोरदारा
हाजरी मंडवाई है ।
===============================
पैलै अंक में :-
डा.चन्द्र प्रकाश देवळ ,डा. चेतन स्वामी ,
डा. अरविन्द आशिया , ताऊ शेखावाटी
डा. मंगत बादळ , अतुल कनक ,
हरीश बी शर्मा अर उम्मेद धानियां री कहाण्यां
=
डा. अर्जुनदेव चारण अर म्हारी कवितावां
=
शंकरसिंह राजपुरोहित रो व्यंग्य
=
रमेश जांगिड़ , दुलाराम सहरण , मालचन्द तिवाडी़
डा.शिवराज भारतीय , केसराराम , माधव नागदा री
सांवठी रचनावां अर डा. आईदानसिंह भाटी री कूंत
=================================
छपाई सांतरी । पान्ना सांतरा । रंगीन कवर पेज सांतरो
सांतरी रचनावां , कुल मिलाय’र एक जोरदार राजस्थानी पत्रिका ।
==================================
मोल : 25 रिपिया
सैयोग : 1100 रिपिया
==================================
मंगावण अर रचना भेजण रो ठिकाणों :-
सम्पादक
हथाई
राजस्थानी लोक संस्थान ,
37, सैटर नम्बर- 5
नोहर-335523
दूरभास : 0151-221893
E-mail : editorhathai@gmail.com

म्हारो इस्कूल

आजकाल इस्कूल भोत बदळीजग्या । टाबर भी एकदम छोटा छोटा इस्कूल जावै और मास्टरां गी जग्यां फूटरी फूटरी मैडम हुवै ।
म्हारै जमाने में आठवीं मैं भी दाढ़ी मूंछ हाळा इस्टूडेंट हुँवता .....दसवीं मै तो दो तीन टाबरां गा माईत भी पढ़ाई करता ।
और मास्टर गी तो पूछो मत ....धोती और खद्दर गो चोळो , एक एक बिलांत गी मूंछ ....जाणै जल्लाद है । ऊपर स्युं हाथ मै तेल स्युं चोपडेड़ो डंडो !!!
मैं टाबर हो जणा मन्नै इस्कूल जाणै गो भोत डर लागतो । अबै थे ही बताओ ......नहा धो गे , चला गे जाओ और क्यां खातर ? मास्टर जी कनु डंडा खाण खातर !!!
बेटी आ कठै गी स्याणप हुई ??
और मेरो दिमाग तो थे जाणो ....टाबरपणै स्युं ही तेज !!! तो मैं इस्कूल कोनी जांवतो ।
मेरी दादी एक दिन मन्नै बोली -
" जे मेरो राजा बेटो इस्कूल जासी तो मैं एक पताशो देस्युं "
मैं पताशै गै लालच में इस्कूल चल्यो गयो । मास्टर जी मन्नै दुवै गी भारणी पूछी । मन्नै भारणी आई कोनी..... और मास्टर जी मेरै एक डंडे गी फटकार दी ।
मैं पाटी -बरतो ले गे घरे आग्यो और जेब स्युं पताशो काढ गे दादी नै पाछो दे दियो कै -
" मास्टर जी मेरै डंडे गी मारी है .....तेरो पताशो काठो राख ।"
फेर एक दिन दादी बोली कै - "तूं सुखियै सागै इस्कूल चल्यो जा .....सुखियो तन्नै कूटण कोनी देवै "
सुख काको नौंवी में पढतो ....चोखो छ: फूटो जवान और मुंह पर दाढ़ी मूंछ ।
मैं सोच्यो ओ काम ठीक है । सुख काको मन्नै कूटीजण कोनी देवै ।
दूसरै दिन मैं सुख काकै सागै इस्कूल ऊठ ग्यो ।
सूख काको पोथी खोल गे बैठ ग्यो और मैं सुख काकै गै सारै बैठ गे..... पाटी पर कोचरी गो चित्र कोरण लाग ग्यो ।
थोड़ी देर बाद मास्टर जी आया । लाल आँख और हाथ में डंडो .....जाणै जमदूत है ।
मेरो तो हाथ काँपण लागग्यो । मास्टर जी आंता पाण सुख काकै नै खड्यो करयो और सुवाल पूछ्यो -
" बोल सुखा .....तेराह चौका किता हुवै ?"
सुख काको तो काणो ऊँट नीम कानै देखै ज्यूँ देखण लाग ग्यो ।
मास्टर जी सुख काकै नै मुर्गो बणा दियो और..... लाग्या डंडा मारण नै । इयाँ तो धापेड़ो बावरी बळद नै ही कोनी कुटै ....जियां मास्टर जी सुख काकै नै कुटै !!
मेरी तो छाती गुल्लो काढ़ण लाग गी । तेरा भला हुवै .....जको बोडी गार्ड बणगे आयो बो तो और जोरगो कुटीजै !!!!
मैं तो पाटी बरतो बठै ही छोड़ दियो और तुतकियो लगाएड़ो रोजड़ो भाजै ज्यूँ भाज्यो ।
घरै पूग्यो जणा दादी बोली -" अरै आज तो सुखियो तेरै सागै हो .....फेर कियां पाछो आग्यो ?"
मैं बोल्यो - " बो तेरो सुखियो तो खुद औसर में गंडक कुटीजै ज्यूँ कुटीजण लाग रैहयो है "

Facebook से

राजस्थान दिवस विशेष

आँखों के दरमियान मैं गुलिस्तां दिखाता हुँ,
आना कभी मेरे देश मैं आपको राजस्थान दिखाता हुँ|
खेजड़ी के साखो पर लटके फूलो की कीमत बताता हुँ,
मै साम्भर की झील से देखना कैसे नमक उठाता हुँ|
मै शेखावाटी के रंगो से पनपी चित्रकला दिखाता हुँ,
महाराणा प्रताप के शौर्य की गाथा सुनाता हुँ|
पद्मावती और हाड़ी रानी का जोहर बताता हुँ,
पग गुँघरु बाँध मीरा का मनोहर
दिखाता हुँ|
सोने सी माटी मे पानी का अरमान
बताता हुँ,
आना कभी मेरे देश मै आपको राजस्थान दिखाता हुँ|
हिरन की पुतली मे चाँद के दर्शन कराता हुँ,
चंदरबरदाई के
शब्दों की व्याख्या सुनाता हुँ|
मीठी बोली, मीठे पानी मे जोधपुर की सैर करता हुँ,
कोटा, बूंदी, बीकानेर और हाड़ोती की मै मल्हार गाता हुँ|
पुष्कर तीरथ कर के मै चिश्ती को चाद्दर चढ़ाता हुँ,
जयपुर के हवामहल मै, गीत मोहबत के गाता हुँ|
जीते सी इस धरती पर स्वर्ग का मैं वरदान दिखाता हुँ,
आना कभी मेरे देश मै आपको राजस्थान दिखाता हुँ||
कोठिया दिखाता हुँ, राज हवेली दिखाता हुँ,
नज़रे ठहर न जाए कही मै आपको कुम्भलगढ़ दिखाता हुँ|
घूंघट में जीती मर्यादा और गंगानगर का मतलब समझाता हुँ,
तनोट माता के मंदिर से मै विश्व
शांति की बात सुनाता हुँ|
राजिया के दोहो से लेके, जाम्भोजी के उसूल पढ़ाता हुँ,
होठो पे मुस्कान लिए, मुछों पे ताव देते राजपूत की परिभाषा बताता हूँ|
सिक्खो की बस्ती मे, पूजा के बाद अज़ान सुनाता हुँ,
आना कभी मेरे देश मै आपको राजस्थान दिखाता हुँ||
जय जय राजस्थान
राजस्थान दिवस की हार्दिक शुभकामनाएं

आडी

आपरी निजरां सामै पेश हैं आ आडी---

"सिर केसर मुरगौ नहीं,लीलकंठ नहिं मोर।
पूंछ लंबी माकड़ नहीं,चार पांव नहिं  ढोर ।।

दिमाग रौ घोड़ों दौड़ावौ अर लिख दिरावौ इण आडी रो पड़ूत्तर।
<script type="text/javascript">
  ( function() {
    if (window.CHITIKA === undefined) { window.CHITIKA = { 'units' : [] }; };
    var unit = {"calltype":"async[2]","publisher":"sandeepchhimpa","width":550,"height":250,"sid":"Chitika Default"};
    var placement_id = window.CHITIKA.units.length;
    window.CHITIKA.units.push(unit);
    document.write('<div id="chitikaAdBlock-' + placement_id + '"></div>');
}());
</script>
<script type="text/javascript" src="//cdn.chitika.net/getads.js" async></script>

पीथल और पाथल रचनाकार श्री कन्हैयालाल सेठिया

अरे घास री रोटी ही, जद बन बिलावडो ले भाग्यो |
नान्हों सो अमरयो चीख पड्यो, राणा रो सोयो दुःख जाग्यो ||

हूं लड्यो घणो, हूं सह्यो घणो, मेवाडी मान बचावण नै |
में पाछ नहीं राखी रण में, बैरया रो खून बहावण नै ||

जब याद करूं हल्दीघाटी, नैणा में रगत उतर आवै |
सुख दुख रो साथी चेतकडो, सूती सी हूक जगा जावै ||

पण आज बिलखतो देखूं हूं, जद राजकंवर नै रोटी नै |
तो क्षात्र धर्म नें भूलूं हूं, भूलूं हिन्वाणी चोटौ नै ||

आ सोच हुई दो टूक तडक, राणा री भीम बजर छाती |
आंख्यां में आंसू भर बोल्यो, हूं लिख्स्यूं अकबर नै पाती ||

राणा रो कागद बांच हुयो, अकबर रो सपणो सो सांचो |
पण नैण करया बिसवास नहीं,जद बांच बांच नै फिर बांच्यो ||

बस दूत इसारो पा भाज्यो, पीथल ने तुरत बुलावण नै |
किरणा रो पीथल आ पूग्यो, अकबर रो भरम मिटावण नै ||

म्हे बांध लिये है पीथल ! सुण पिजंरा में जंगली सेर पकड |
यो देख हाथ रो कागद है, तू देका फिरसी कियां अकड ||

हूं आज पातस्या धरती रो, मेवाडी पाग पगां में है |
अब बता मनै किण रजवट नै, रजुॡती खूण रगां में है ||

जद पीथल कागद ले देखी, राणा री सागी सैनांणी |
नीचै सूं धरती खिसक गयी, आंख्यों में भर आयो पाणी ||

पण फेर कही तत्काल संभल, आ बात सफा ही झूठी हैं |
राणा री पाग सदा उंची, राणा री आन अटूटी है ||

ज्यो हुकुम होय तो लिख पूछूं, राणा नै कागद रै खातर |
लै पूछ भला ही पीथल तू ! आ बात सही बोल्यो अकबर ||

म्हें आज सूणी है नाहरियो, स्याला रै सागै सोवैलो |
म्हें आज सूणी है सूरजडो, बादल री आंटा खोवैलो ||

पीथल रा आखर पढ़ता ही, राणा री आंख्या लाल हुई |
धिक्कार मनैं में कायर हूं, नाहर री एक दकाल हुई ||

हूं भूखं मरुं हूं प्यास मरूं, मेवाड धरा आजाद रहैं |
हूं घोर उजाडा में भटकूं, पण मन में मां री याद रह्वै ||

पीथल के खिमता बादल री, जो रोकै सूर उगाली नै |
सिहां री हाथल सह लैवे, वा कूंख मिली कद स्याली नै ||

जद राणा रो संदेस गयो, पीथल री छाती दूणी ही |
हिंदवाणो सूरज चमके हो, अकबर री दुनिया सुनी ही |

साभार- पातळ र पीथळ