राजस्थानी भाषा माँय पत्रिका "हथाई"

राजस्थानी पत्रिका "हथाई" री जोरदार हाजरी
==============================
राजस्थानी भासा में साहित्यिक पत्रिकावां री
कमी नित बताईजै । इण कमीं नै पूरण रो
काम माणक ,राजस्थानी गंगा ,अपरंच ,
बिणजारो, लीलटांस , अनुसिरजण ,
आलोचना , राजस्थली , कथेसर , नैणसी ,
औळख , कुरजां , आद राजस्थानी
पत्रिकावां बरसां सूं कर रैई है ।
इण लिस्ट में अब "हथाई" रो भी नांव जुड़ग्यो ।
==============================
"हथाई" हनुमानगढ जिलै रै नोहर कस्बै सूं छपै ।
वरिष्ठ कथाकार डा. भरत ऒळा रै सम्पादन में ।
"हथाई" साहित्य जगत में आपरी जोरदारा
हाजरी मंडवाई है ।
===============================
पैलै अंक में :-
डा.चन्द्र प्रकाश देवळ ,डा. चेतन स्वामी ,
डा. अरविन्द आशिया , ताऊ शेखावाटी
डा. मंगत बादळ , अतुल कनक ,
हरीश बी शर्मा अर उम्मेद धानियां री कहाण्यां
=
डा. अर्जुनदेव चारण अर म्हारी कवितावां
=
शंकरसिंह राजपुरोहित रो व्यंग्य
=
रमेश जांगिड़ , दुलाराम सहरण , मालचन्द तिवाडी़
डा.शिवराज भारतीय , केसराराम , माधव नागदा री
सांवठी रचनावां अर डा. आईदानसिंह भाटी री कूंत
=================================
छपाई सांतरी । पान्ना सांतरा । रंगीन कवर पेज सांतरो
सांतरी रचनावां , कुल मिलाय’र एक जोरदार राजस्थानी पत्रिका ।
==================================
मोल : 25 रिपिया
सैयोग : 1100 रिपिया
==================================
मंगावण अर रचना भेजण रो ठिकाणों :-
सम्पादक
हथाई
राजस्थानी लोक संस्थान ,
37, सैटर नम्बर- 5
नोहर-335523
दूरभास : 0151-221893
E-mail : editorhathai@gmail.com